कर्तव्य ज्यान मुद्दामा २० बर्ष कैद सजाय तोकिएका दुई पुरुषलाई मकवानपुर प्रहरीले १७ बर्षपछि पक्राउ गरेको छ । पक्राउ पर्नेमा जिल्लाको थाहा नगरपालिका वडा नंम्बर १२ गैरीगाउँ बस्ने घटौरे, मोटे स्याङतान भन्ने रामचन्द्र स्याङ्तान र सार्की माइला भन्ने कालु गोले रहेका छन् ।

गैरीगाउँकै ७० बर्षीय सानो लाहुरे तामाङलाई कुटपिट गरी हत्यामा स्याङ्तान र गोलेलाई जिल्ला अदालत मकवानपुरले विं.सं.२०६८ असोज ८ गते दोषी ठहर गरी २० बर्ष कैद सजाय सुनाएको थियो ।
अदालतको दोषी ठहर गरेपछि फरार रहेका दुबैलाई २९ पुस बिहान गैरीगाउँस्थित घरैबाट पक्राउ गरिएको जिल्ला प्रहरी कार्यालय मकवानपुरका प्रहरी नायव उपरीक्षक लक्ष्मी भण्डारीले बताए । दुबैलाई जिल्ला अदालत मकवानपुरमा पेश समेत गरिएको छ ।

पालिका प्रेस
थप जानकारी