लिजामा मन्त्रालयको अन्तिम परीक्षणः मनहरीलाई पन्छाउँदै दोस्रो स्थानमा थाहानगर

संघीय मामिला तथा सामान्य प्रशासन मन्त्रालयले अन्तिम परीक्षण पश्चात् सार्वजनिक गरेको स्थानीय तह संस्थागत क्षमता स्वमूल्याङ्कन (लिजा) मा मकवानपुर जिल्लामै थाहा नगरपालिका दोस्रो भएको छ । कार्यविधि अनुसार सूचकमा आधारित प्रमाणहरु पेश गरी दोस्रो स्थान दाबी गरेको मनहरी गाउँपालिका मन्त्रालयको परीक्षणमा तेस्रो स्थानमा पुगेको छ ।

मनहरीले विभिन्न सूचकमा गरी कुल ७७.५० अंक प्रमाणसहित दाबी गरेकोमा मन्त्रालयबाट भएको प्रमाण परीक्षणमा ६.७५ अंक घट्दै ७०.७५ मात्र अंक कायम भएको छ । यो नतिजा मन्त्रालयले ६ भाद्रमा वेवसाइट मार्फत सार्वजनिक गरेको छ । थाहा नगरपालिकाले भने लिजामा ७४.२५ अंक दाबी गरेकोमा मन्त्रालयको परीक्षणमा ७१ अंक कायम भएको छ । यो अंकसंगै थाहा दोस्रो भएको हो । लिजामा हेटौंडा उपमहानगरपालिकाको अग्रता भने अन्तिम परीक्षणमा पनि कायमै रहेको छ । ८८.५० अंक दाबी गरेको हेटौंडाको अन्तिम परीक्षणमा ८६.५० अंक कायम भएको छ ।
इन्द्रसरोवर गाउँपालिकाले ६१.७५ अंक दाबी गरेकोमा ५५.५० अंक पाएको छ ।

पालिकाले दाबी गरेको र मन्त्रालयबाट प्राप्त अन्तिम अंक तालिका ।

 त्यसैगरी भीमफेदी गाउँपालिकाले ६४.७५ अंक दबी गरेकोमा ६३.२५ अंक, मकवानपुरगढी गाउँपालिकाले ६१.२५ दाबी गरेकोमा ६० अंक, बकैया गाउँपालिकाले ६२.२५ अंक दाबी गरेकोमा ६०.२५ अंक पाएको छ । बागमती गाउँपालिकाले ५७.७५ दाबी गरेकोमा ५५ अंक, कैलाश गाउँपालिकाले ६१.५० मा ५६.७५ अंक र राक्सिराङ गाउँपालिकाले ६८.५० अंक दाबी गरेकोमा ६७ अंक अन्तिम परीक्षण पश्चात् पाएको छ ।

थाहा–इन्द्रसरोवर कहाँ चुक्यो ?

स्थानीय तह संस्थागत क्षमता स्वमूल्याङ्कन (लिजा) मा थाहा नगरपालिकाले आफुले दाबी गरेको विभिन्न १० सूचक मध्ये ४ वटा सूचकको प्रमाणमा चुकेको छ । थाहाले संगठन तथा प्रशासन सम्बन्धी सूचकमा ५.५ अंक दाबी गरेकोमा मन्त्रालयको अन्तिम परीक्षणबाट १ अंक घट्दै ४.५ अंक मात्र कायम भएको छ ।

पालिकाले दाबी गरेको अंक तालिका ।

त्यस्तै वार्षिक बजेट तथा योजना तर्जुमामा पनि पालिकाको दाबी पुष्ट्याँई कमजोर देखिएको छ । यस सूचकमा थाहाले ९.५ अंक दाबी गरेकोमा ८.५ मात्र अंक मात्र पाएको छ । सेवा प्रवाह सूचकमा १०.५ अंक दाबी भएकोमा ९.५ र वातावरण संरक्षण तथा विपद व्यवस्थापन सूचकमा पनि ८ अंक दाबी पेश गरिएकोमा ७.७५ अंक मात्र अन्तिम परीक्षणबाट थाहानगरले पाएको मन्त्रालयबाट सार्वजनिक गरिएको नतिजामा उल्लेख छ ।

यस बाहेक थाहा नगरपालिकाले शासकीय प्रबन्ध, वित्तीय एवं आर्थिक व्यवस्थापन, न्यायिक सम्पादन, भौतिक पूर्वाधार, सामाजिक समावेशीकरण तथा सहकार्य र समन्वय सूचकमा भने दाबी गरेकै अंक पाएको छ ।

मन्त्रालयबाट प्राप्त अन्तिम कायम अंक तालिका ।

त्यसैगरी इन्द्रसरोवर गाउँपालिकाले शासकीय प्रबन्धमा ८ दाबी गरेकोमा ७ अंक पाएको छ भने संगठन तथा प्रशासनमा ७ अंक दाबी गरेकोमा ६.५ अंक पाएको सार्वजनिक गरिएको नतिजामा उल्लेख छ । वार्षिक बजेट तथा योजना तर्जुमा व्यवस्थापनमा ६ अंक दाबी गरेकोमा ५.५, वित्तीय एवं आर्थिक व्यवस्थापनमा ८.५ अंक दाबी गरिएकोमा ७, सेवा प्रवाहमा ११ अंक दाबी गरिएकोमा १०.२५ अंक पाएको छ ।

भौतिक पूर्वाधारमा ६.५ अंक दाबी गरिएकोमा ५ र वातावरण संरक्षण तथा विपद व्यवस्थापनमा ३ अंक दाबी गरिएकोमा २.५ अंक पाएको मन्त्रालयद्वारा सार्वजनिक नतिजामा उल्लेख छ । इन्ख्रसरोवर गाउँपालिकाले सहकार्य र समन्वय, न्यायिक कार्य सम्पादन र सामाजिक समावेशीकरणका सूचकहरुमा भने दाबी बमोजिमकै अंक पाएको छ ।